Ağıllı telefon hər işimizdə əlimizdən tutur. Bəs sağlamlığımızı ona əmanət edə bilərikmi? Aşağıdaki mobil tətbiqləri telefonunuza yüklədikdən sonra bu mümkün olacaq.
- Dərman qəbulunu xatırlatmaq üçün mobil tətbiq - Pill Reminder and Medication Tracker by Medisafe
Mobil tətbiq sizə dərmanı qəbul etməli olduğunuz zaman bildirimlər göndərir. Hər dərman üçün fərqli bildirim melodiyası seçmək mümkündür. Beləliklə, hər dəfə tətbiqə daxil olub, hansı dərmanı atmalı olduğunuzu yoxlamağa gərək qalmır. Bundan əlavə Medisafe çəkinizə, qanda qlükoza səviyyəsinə nəzarət edir və ehtiyac yarandığı halda PDF və ya Excel cədvəlində hesabatları yükləmək imkanını verir.
Yükləmə keçidləri: Android, IOS
- Şəkərli diabet xəstələri üçün gündəlik - Diameter
Tətbiq 1-ci və 2-ci dərəcəli xəstələr üçün nəzərdə tutulmuşdur. Burada xəstələr şəkər miqdarını, qəbul etdikləri çörəyin miqdarını, insulin inyeksiyaları və simptomlar barədə qeydlər apara bilər.
Yükləmə keçidləri: Android, IOS
- Qanın təzyiq göstəricilərinə nəzarət etmək üçün mobil tətbiq - Medm Blood Pressure
Servis məlumatları şəxsən daxil etmə və ya məşhur elektron tonometr markaları vasitəsilə sinxronlaşdırma seçimlərini verir. Daxil olunan məlumatlara əsasən diaqram formasında statistika yığılır və sizə təqdim edilir.
Yükləmə keçidləri: Android, IOS
- Menstrual dövrü izləmək üçün mobil tətbiq - Period Tracker Flo, Pregnancy & Ovulation Calendar
Daxil etdiyiniz məlumatlara əsasən tətbiq növbəti dövrün başlayacağı tarixi bildirir və hamiləlik zamanı embrionun inkişafına nəzarət etməyə kömək edir.
Yükləmə keçidləri: Android, IOS
Author: Pusta